FUGL - Reykjavík Project Space

Feneyjar 2009, fjórir viðburðir, heimspeki og (kannski) túlkun

Sun, 28 Jun 2009 18:12:47 +0000

Í Feneyjum fer fram stór og mikil listasýning á tveggja ára fresti, svonefndur myndlistartvíæringur. Þetta árið sýnir Ragnar Kjartanson þar, einn íslendinga, í skála á vegum Íslands. Sýningin er um margt áhugaverð og viðbrögð við henni að sama skapi. Hugleiðingar þær sem hér fara á eftir eru sprottnar upp úr viðkynningu af verkum Ragnars á sýningunni og viðleitni til að setja þau verk í víðara samhengi samtímalistar.

Bil Tengsl myndar, moldar og raunveruleika í Málverkum, teikningum, ljósmyndum Kristjáns Steingríms í Listasafni ASÍ

Wed, 04 Feb 2009 22:46:41 +0000

Á nýliðinni sýningu Kristjáns Steingríms í Listasafni ASÍ snerist myndefnið um mold og skrúðgarða, eða nánar um mold úr skrúðgörðum. Sýningin var í mörgum hlutum, á henni voru teikningar af ýmsum gerðum, með tússi á pappír og rissaðar beint á vegginn auk risastórs veggmálverks í Ásmundarsal miðjum. Þungamiðja sýningarinnar, að mínu mati, og tilefni þessara hugleiðinga, eru tvær myndraðir þar sem moldin og skrúðgarðahugmyndin tengist í raun.

Kennsl Bjarkar Guðnadóttur í Suðsuðvestur

Mon, 01 Sep 2008 01:08:38 +0000

Efni, staflað á gólf og veggi. Myndir sem búið er að fjölfalda, einni gert hærra undir höfuð, signeruð í ramma, hinar í fjölda lita raðað í mynd á vegg, dúkristur, einföld barnaleg teikningin rímar við áráttukennda fjölföldunina, þarf að prófa alla möguleika, kannski er svarið einhversstaðar - þumall lítillar handar snertir þumal stórrar handar. Barnsskyrta, fagurlega gerð úr sama efni, lérefti, og fyllir salinn. Í innrými er búið að gera einföld þrykk úr pappaspjöldum sem greinilega eru skorin eftir sníðahlutunum sem skyrtan er úr. Í texta er okkur sagt frá því að í Skáldskaparmálum Aristótelesar sé það geigvænleg reynsla þegar mannveran kemst að uppruna sínum. Þá, loksins, fara brotin að raðast saman, þá fer hugsunin af stað, þá fer sýning úr að því er virðist handahófskenndum hlutum að gerast, einhverskonar heild að verða til.

Staðreyndir um höfundarrétt

Tue, 12 Feb 2008 10:53:44 +0000

Nú stendur til að gerðar verði breytingar á höfundarréttarlögum á Íslandi. Líklegt er að nú, sem fyrr, verði breytingin í þá átt að þjóna hagsmunum iðnaðarframleiðslu, en ekki listamanna og höfunda þótt yfirlýst markmið höfundarréttarlaga sé að gæta hagsmuna þeirra. Þar sem gagnrýni í listum (og á listum) tengist tjáningarfrelsi, og þar sem höfundarréttarvörn í þágu iðnaðar hefur yfirleytt þau áhrif að skerða tjáningarfrelsi einstaklinga, telur FUGL rétt að koma inn í umræðuna á þessu stigi og benda á nokkur atriði sem máli skipta fyrir höfunda í tengslum við höfundarétt.

Sjónlist er ekki til

Mon, 17 Sep 2007 20:04:59 +0000

Það hefur lengi verið áhugaverð iðja á Íslandi að búa til ný orð til að reyna að túlka hugmyndir, skoðanir og álit manna, auk þess að þýða ýmis hugtök sem menn í útlöndum hafa yfir hugmyndir sínar og eiga sér ekki endilega samsvörun í íslensku. Oft tekst mönnum vel upp með orðsmíðar, en oftar en ekki verða til skrýtin hugtök sem heldur minna á skuggabaldur en almennileg dýr. Þetta á sér sér í lagi stað þegar menn reyna að sameina undir einn hatt hluti sem ekki er sjálfgefið að eigi heima saman. Sjónlist er eitt af þessum nýyrðum sem sprottið hafa upp að undanförnu. Það virðist saklaust við fyrstu sýn - tilraun til að steypa myndlist og hönnun saman í einn flokk - en því miður felast í orðinu 'sjónlist' óheppilegar vísanir sem gera það að verkum að dæmið gengur ekki upp: Í þeirri mynd sem reynt er að nota orðið 'sjónlist' verður það því miður innantómt, og þess vegna nær að halda því fram að sjónlist sé ekki til!

Pourquoi? hugleiðing um jaðaráhrif á sýningu Pierre Huyghe í Hafnarhúsi

Wed, 11 Apr 2007 23:07:36 +0000

Pierre Huyghe er myndlistarmaður sem iðulega hefur unnið með áhugaverðar innsetningar og performansa sem á skemmtilegan og djarfan hátt eru settar í samspil við menningu og aðstæður á þeim stað sem verkin eru sýnd á. Sýning hans hér á landi var því tilhlökkunarefni, sér í lagi eftir lestur fréttatilkynningar Listasafns Reykjavíkur:

Sýning Pierre Huyghe í Listasafni Reykjavíkur ber yfirskriftina Í BEINNI - VIÐBURÐUR VERÐUR SÝNING og vísar til beinnar og milliliðalausrar upplifunar áhorfandans við verkin á sýningunni. Í verkum sínum vill Huyghe beina sjónum að þeim stað sem hann vinnur á hverju sinni. Á sýningu Listasafns Reykjavíkur endurspeglast þetta meðal annars í innsetningu þar sem málverk og höggmyndir úr eigu Listasafns Reykjavíkur eru í forgrunni en öðlast aðra tilvistarvídd með áhrifamiklu sjónarspili ljóss og hljóðs.

Því miður var raunin nokkuð önnur en væntingar stóðu til, og má segja að á sýningunni hafi íslenskum áhorfendum einungis verið færður reykurinn af réttunum en ekki fengið að njóta þeirrar upplifunar sem sýningar Huyghe eru yfirleitt. Því má velta fyrir sér hvort þetta er einstakt dæmi um að listamanninum takist ekki vel upp, eða hvort hér sé um að ræða áhrif frá ‘jaðarstöðu’ listastofnana sem ekki eru í þungamiðju menningarinnar, að listamanninum hafi ekki þótt þess virði að leggja í alvöru sýningu hér á landi.

'Astroturf' í Nýló

Sun, 19 Nov 2006 14:29:24 +0000

Nú um helgina var opnuð sjöunda árið í röð í Nýlístasafninu sýning sem ber yfirskriftina 'Grasrót'. Sýningar þessar hafa undanfarin ár skapað sér sess í íslensku listalífi en nú hafa stjórnendur safnsins valið að leggja nýja merkingu í gjörninginn og er í því samhengi áhugavert að skoða þá framkvæmd með tilliti til sögu sýningarraðarinnar og til þeirra hefða sem skapast hafa í kringum hana, en ekki síður út frá merkingu hugtaksins 'grasrót' og tengingu þess við íslenskt myndlistarlíf og umræðu í samhengi Nýló í gegnum tíðina.

Opnun hjá Söru Björnsdóttur á Sequences

Sun, 29 Oct 2006 12:30:55 +0000

'Soundscape' Söru Björnsdóttur (FUGL14) var opnað sem viðburður á Sequences hátíðinni Laugardaginn 14. október. Þótt FUGL sé ekki staðsettur á neinum ákveðnum stað hafa áhorfendur þó tekið eftir því sem í gangi er og góð mæting var á opnun sýningar Söru.

FUGL 14 - Sara Björnsdóttir

Fri, 13 Oct 2006 22:00:49 +0000

Sara Björnsdóttir sýnir 'Svo kemur vor' á vegum FUGLs á Sequences 14. - 29. október 2006. Sara Björnsdóttir does the soundscape 'Then Comes Spring' in Reykjavík Project Space at Sequences October 14 - 29 2006. Sýningin er porti við hliðiná Kling og Bang Laugavegi 23. FUGL þakkar Kling og Bang fyrir aðstöðuna. The exhibition is in a courtyard beside Kling og Bang Laugavegur 23. Reykjavik Project Space thanks Kling og Bang for their assistance. Sýningin er opin frá 14-17 miðvikudag til sunnudags. Opening times 14-17 from Wednesday till Sunday.

Áslaug Thorlacius hefur aðra sýningarröð FUGLs

Mon, 09 Oct 2006 00:23:33 +0000

Þegar sýning Áslaugar Thorlacius var opnuð að Görðum við Ægissíðu var margt um manninn þótt sýningin væri utan hefðbundins sýningarrúnts Reykvískra menningarvita. Sýningin er fyrsta sýningin í annarri sýningarröð FUGLs, en þar hefur félagið breytt um áherslu og í stað þess að binda sig við ákveðinn sýningarstað verður sýningum dreift vítt og breitt um borgina, borgin verður í raun sýningarrýmið (Reykjavík Project Space).

FUGL 13 - Áslaug Thorlacius

Sat, 09 Sep 2006 15:20:00 +0000

Áslaug Thorlacius sýnir Í heimsókn, á vegum FUGLs í og við Garða við Ægisíðu frá 9. september - 8. október 2006. Áslaug Thorlacius's show, On a Visit in Reykjavík Project Space at Garðar by Ægisíða in Reykjavík from September 9 - October 8 2006. Á sýningunni gerir Áslaug Thorlacius innrás með margvíslegt hafurtask inn á fjölskylduheimili vinafólks síns.

Robin Peck Ás

Sat, 13 May 2006 09:35:15 +0000

ÁS

Ás: miðjusett gat í hjóli sem teinanir eru festir við og sem öxullinn fer í gegnum.

Skúlptúr Hannesar Lárussonar, Ás, er stórt[1] 1200 kílóa grjót. Úr grjótinu ganga 11 stálteinar, hver 22 mm á þykkt. Teinarnir eru beygðir upp á við og mynda þannig tvöfalt rétt horn út frá öxlinum. Teinarnir eru handföng sem 11 þátttakendur lyfta til að snúa þungu grjótinu.

Steingrímur

Mon, 08 May 2006 22:58:16 +0000

Þegar maður gengur inn í sýningu Steingríms Eyfjörðs “Bein í Skriðu” í 101 Gallerý þá úir og grúir af forvitnilegum hlutum og myndum sem kítla strax ímyndunarafl áhorfandans og maður byrjað ósjálfrátt að leita að sögunni í myndlistinni. Þetta hefur verið eitt af einkennum myndlistar Steingríms í fjölda ára, það að fá áhorfandann til að staldra við og hella sér út í ævintýraheiminn sem hann setur á svið fyrir okkur.

Á þessari sýningu sýnir Steingrímur, blekteikningar, styttur, málaða steina, skilti og spreyjaðar myndir, sem allt saman myndar eina innsetningu.

Eygló Harðardóttir í lit í Suðsuðvestur

Sat, 01 Apr 2006 23:25:25 +0000

Laugardaginn 1. apríl opnaði Eygló Harðardóttir (FUGL 3) sýningu í Suðsuðvestur. Sýningin er fjölskrúðug og mæta áhorandanum óræðar ljósmyndir, kvikmynd með hátölurum, litafletir og málaðir fletir; allt í samspili við rýmið í litla gamla húsinu sem hýsir Suðsuðvestur í miðbænum í Keflavík.

Nærvera og fjarvera: Sýning Söru Björnsdóttur í Kling og Bang [gallerí]

Sun, 05 Mar 2006 16:20:18 +0000

Laugardaginn 4. mars opnaði Sara Björnsdóttir (FUGL 14) sýningu í Kling og Bang [gallerí]. Sýningin er í kjallara sýningarsalarins og lætur lítið yfir sér í fyrstu, en við nánari viðkynningu hefur myrkrið í kjallaranum, ljósin á bak við blaktandi tjöld og hávaðinn í því sem virðist vera mótorhjól skemmtileg áhrif á áhorfandann.